Yn y Gofrestrfa Tir, mae lles ein staff a'n cwsmeriaid yn rhan hanfodol o'n holl weithgareddau. Mae'n hamcan o ddarparu gwasanaeth o'r safon uchaf yn cael ei gyflawni gan dimoedd sy'n adlewyrchu'n cymdeithas.

Nid yw amrywiaeth yn ddewis i ni: mae'n rhan hanfodol o'n busnes; mae'n helpu i gael tegwch yn y gweithle ac yn gwella'n gwasanaethau i'r cyhoedd.

I ddangos yr ymrwymiad hwn, mae'n Cynllun cydraddoldeb cynhwysfawr 2007-2010 (PDF 463kb) a'n Cynllun gweithredu'r cynllun cydraddoldeb cynhwysfawr (PDF 168kb) yn amlinellu sut rydym yn adeiladu gweithlu sy'n dathlu amrywiaeth. Mae'r ddwy ddogfen bolisi hon yn cyfuno'n cynlluniau cydraddoldeb presennol ar hil ac anabledd  yn ogystal â chefnogi'n hymrwymiad o ran dyletswydd i sicrhau cydraddoldeb rhyw.

O ganlyniad i'n cynlluniau cydraddoldeb, rydym wedi dechrau pwyso a mesur ein gweithgareddau a'n polisïau i weld pa mor berthnasol ydynt i amrywiaeth ac rydym wedi cyflwyno pecyn asesu effaith ar gydraddoldeb sy'n cynnwys pob agwedd ar amrywiaeth. Ceir manylion ymarferion asesu arfaethedig yn ein Cynllun Cydraddoldeb Cynhwysfawr a chyhoeddir pob asesiad ar y wefan hon ar ôl ei gwblhau.

Os hoffech gael rhagor o wybodaeth, darllenwch ein datganiad Polisi Amrywiaeth, neu mae croeso i chi gysylltu â'r Tîm Amrywiaeth:

Y Tîm Amrywiaeth, Swyddfa Nottingham (Gorllewin), Chalfont Drive, Nottingham
NG8 3RN

Ffôn: (0115) 906 2923
Minicom:  0800 01535
Ebost: HRDiversity@landregistry.gsi.gov.uk
Gallwch hefyd gysylltu â Julie Dennis, Pennaeth Amrywiaeth y Gofrestrfa Tir
Ffôn: 0115 906 2923.