Gwella ein cynnyrch

Mae'n amlwg bod cwsmeriaid o'r farn bod ansawdd cynnyrch y Gofrestrfa Tir yn dda, fel y dangosir gan adborth yr arolwg cwsmeriaid a'n cyfraddau cywirdeb da. Rydym bob amser yn awyddus i weithredu mesurau ychwanegol i wella ansawdd y data sydd gennym yn barhaus

Cynhaliwyd Adolygiad Ansawdd Cynnyrch yn ystod 2006 gan ddefnyddio swm mawr o ddata a gasglwyd o amryw o ffynonellau. Mae cynllun gweithredu o'r adolygiad yn tynnu sylw at ble y gallwn fuddsoddi yn ein systemau cyfredol a hefyd datblygu rhai newydd i helpu gwella a chynnal ansawdd. Mae archwilio ac ailddiffinio prosesau a dulliau cyfathrebu hefyd yn helpu i wella ansawdd y cynnyrch terfynol i'n cwsmeriaid.

Mae nifer o'r camau yn y cynllun yn ymwneud yn uniongyrchol â datblygu pobl y Gofrestrfa Tir megis gweithdai i arweinwyr tîm, hyrwyddwyr arolygu tir a mapio, cynllunio ar gyfer pontio o lwybrau hyfforddi, hyfforddiant ar wybodaeth ddaearyddol ac ati.

Bydd y Gofrestrfa Tir yn gallu defnyddio'r wybodaeth a gasglwyd o'r mentrau niferus hyn i asesu'r gwelliannau a wnaed mewn ansawdd, ac ar yr un pryd cynnal ein safonau gwasanaeth cwsmeriaid uchel iawn a rhagori ar ein dangosyddion perfformiad allweddol.