Dan ei sang
Derbyniwyd 34,448,431 o geisiadau yn ystod y flwyddyn, sy’n fwy nag erioed o’r blaen.
Cadw pawb yn hapus
Mae canran y cwsmeriaid sy'n fodlon iawn neu'n fodlon â'n hamrywiaeth lawn o wasanaethau yn 98.6 y cant.
Y pris cywir
Lansiwyd Mynegai Prisiau Tai newydd y Gofrestrfa Tir ym mis Hydref. Mae'r mynegai a'i ganfyddiadau wedi cael cryn sylw yn y cyfryngau.
Mynd yn wyrdd
Ailgadarnhawyd tystysgrif ISO 14001 y Gofrestrfa Tir ym mis Chwefror ar ôl archwiliad allanol, sy'n dangos ein bod yn bodloni safonau amgylcheddol rhyngwladol.
Iechyd da
Dechreuodd cyfres o ymgyrchoedd ymwybyddiaeth iechyd ar draws y sefydliad yn yr haf gyda'r ffocws ar galonnau iach.
Ystyrlon o blant
Agorwyd Meithrinfa Ddydd Westbridge yn Swyddfa Caerlŷr gan weinidog yr Adran Materion Cyfansoddiadol, y Farwnes Ashton o Upholland ym mis Hydref. Cofrestrwch yma
Diolch i rwydweithio swyddfa leol ac ymgyrch ranbarthol yn y cyfryngau ychwanegwyd mwy na 700,000 hectar i gyfanswm arwynebedd tir rhydd-ddaliad cofrestredig yng Nghymru a Lloegr. | Anrhydedd mawr
Cydnabuwyd bron 40 blynedd o wasanaeth i'r Gofrestrfa Tir pan dderbyniodd Gordon Vickers OBE gan y Frenhines ym Mhalas Buckingham.
Dwylo diogel
Cyrhaeddwyd carreg filltir yn natblygiad e-drawsgludo pan roddodd y Gofrestrfa Tir y contract ar gyfer sicrhau diogelwch y system electronig i IBM a lansiwyd y prototeip o'r Gadwyn Matrics ar-lein.
Tic i gydraddoldeb
Ailgadarnhawyd dyfarniad symbol anabledd Tic Dwbl i'r Gofrestrfa Tir ar ôl adolygiad gan y Ganolfan Byd Gwaith, gan ddangos ein hymrwymiad i recriwtio, cadw, hyfforddi a datblygu gyrfa staff anabl. Bywyd a gwaith
Yn ddiweddar mae Systemau Gwybodaeth wedi cael eu cynnwys yng nghanllaw newydd Top IT Employers in the UK a derbyniwyd nod barcud Cyflogwr Cymeradwy Platinwm ar gyfer Datblygu Hyfforddeion gan Gymdeithas y Cyfrifwyr Ardystiedig Siartredig.
Diolch, weinidog
"Mae'r Gofrestrfa Tir yn sefydliad mor ddeinamig". Dyna ddisgrifiad Vera Baird QC, Is-ysgrifennydd Gwladol Seneddol yn yr Adran Materion Cyfansoddiadol, ar ôl derbyn cyfrifoldeb o ddydd i ddydd am y Gofrestrfa Tir ym mis Ionawr 2007. |
