Byrddau'r Gofrestrfa Tir

O fis Ebrill 2006 mae'r Gofrestrfa Tir wedi gweithredu gyda dau fwrdd: Bwrdd y Gofrestrfa Tir, gan gynnwys dau gyfarwyddwr anweithredol annibynnol, a'r Bwrdd Gweithredol, gyda'r un aelodaeth ond heb gynnwys y cyfarwyddwyr anweithredol. Mae Bwrdd y Gofrestrfa Tir yn gyfrifol am gyfeiriad strategol, llywodraethu da a pherfformiad cyffredinol y Gofrestrfa Tir. Mae'r Bwrdd Gweithredol yn cyflwyno'r cynllun busnes blynyddol ac yn gyfrifol am reoli'r Gofrestrfa Tir o ddydd i ddydd.

Mae'r byrddau hyn yn gweithio gyda chymorth y Bwrdd Risg Busnes, y Bwrdd Rheoli Rhaglenni, y Bwrdd Datblygu Busnes a’r Pwyllgor Archwilio. Diddymwyd y Bwrdd Rheoli Rhaglenni erbyn hyn ac mae strwythurau rhaglenni wedi cael eu cynnwys yng ngwaith y Bwrdd Rhaglenni Trawsnewid Busnes a’r Bwrdd Effeithiolrwydd Busnes.