Ein pobl

Mae gweithlu'r Gofrestrfa Tir sydd â rhyw 8,600 o staff yn fwyfwy amrywiol ac wedi'i seilio ar graidd o weithwyr â gwasanaeth hir. Mae ein hanes hir yn golygu bod traddodiadau gennym sy'n uno'r sefydliad tra bo'r strwythur swyddfa yn caniatáu i hunaniaethau lleol ffynnu. Mae oriau gwaith hyblyg, arferion Adnoddau Dynol arloesol ac amrywiaeth gynyddol o rolau i gyd yn gwneud ein sefydliad yn ddewis deniadol i staff presennol a staff newydd.

Mae hyfforddiant a datblygiad yn brif flaenoriaethau, gyda rhaglen sgiliau TG gynhwysfawr, cyrsiau fel y Cymhwyster mewn Cyfraith ac Ymarfer Cofrestru Tir a chynlluniau datblygu fel Rhaglen Datblygu Arweinwyr y Dyfodol. Mae cyrff allanol hefyd wedi cydnabod ein cymorth i staff sy'n ennill cymwysterau arbenigol. Dyfarnwyd statws Cyflogwr Cymeradwy Platinwm ar gyfer Datblygu Hyfforddeion i'r Gofrestrfa Tir gan Gmdeithas y Cyfrifwyr Ardystiedig Siartredig .

Mae ein hymgyrchoedd iechyd ar draws y sefydliad yn dangos ein bod yn pryderu am lawer mwy na gwneud y gwaith. Ac rydym bob amser yn ceisio gwella cyfathrebu ym mhob cyfeiriad, drwy ymweliadau gan gyfarwyddwyr, cylchlythyron, DVD a'r rhyngrwyd, er mwyn i staff ddeall pam bod penderfyniadau'n cael eu gwneud.