Adnoddau Dynol

Strategaeth adnoddau dynol

Rydym yn cynnal trafodaethau cyson gyda’n hundebau llafur i sicrhau eu bod yn chwarae rhan lawn yn ein cynlluniau, gan gynnwys y rheiny ar gyfer e-drawsgludo.

HR Advance
Lansiwyd ein prosiect TG, ‘HR Advance’, ddiwedd y llynedd ac rydym bellach yn barod i ddyfarnu’r contract. Credwn y bydd y prosiect hwn yn darparu prosesau adnoddau dynol modern ac effeithlon sydd â gwerth ychwanegol a fydd yn ein cefnogi i gyflawni ein hamcanion busnes.

Adolygiad Lyons
Gofynnwyd i’r Gofrestrfa Tir adolygu ei safle yn Llundain a De Ddwyrain Lloegr fel rhan o Adolygiad Lyons. Yn sgil datganoli dros flynyddoedd lawer, gan gynnwys adleoli mawr yn yr 1980au, dim ond 16 y cant o’n staff sy’n gweithio yn Llundain a De Ddwyrain Lloegr erbyn hyn, gyda dim ond 4% yng nghanol Llundain. Mae’r broses o ddatganoli swyddi’r Brif Swyddfa o’n safle yn Llundain i swyddfeydd lleol yn parhau.