Perfformiad

Amcan strategol 1: Gwasanaeth yn Gyntaf

Adolygydd Cwynion Annibynnol

Mae’r Adolygydd Cwynion Annibynnol, Mrs Jodi Berg, yn cynnal ymchwiliadau diduedd i gwynion gan gwsmeriaid sy’n anfodlon gyda’r gwasanaeth a gawsant gennym ac sy’n anfodlon â’n gweithdrefn gwyno fewnol.

Yn ystod y flwyddyn:

• Derbyniwyd 36 cwyn (o gymharu â 54 yn 2002-03)
• Gwnaed 85 honiad ar wahân o gamweinyddu (o gymharu ag 86 yn 2002-03). O’r rhain, cafodd naw eu cefnogi, chwech eu cefnogi’n rhannol ac ni chafodd 70 eu cefnogi.

Rhoddir manylion pellach yn adroddiad blynyddol yr Adolygydd Cwynion Annibynnol, sydd ar gael gan:

New Premiere House 1
150 Southampton Row
Llundain WC1B 5AL

Ffôn: 020 7278 6251

Cynhaliwyd pedwar cyfarfod o ICREST, ein Tîm Gwerthuso ac Astudio a sefydlwyd yn unswydd i ystyried argymhellion yr Adolygydd Cwynion Annibynnol, yn ystod y flwyddyn. Bu hefyd yn siarad â Chymdeithas Ombwdsmon Prydain ac Iwerddon am ei swyddogaeth. Roedd Ann Abraham, a oedd newydd ei phenodi’n Gomisiynydd Seneddol ar gyfer Gweinyddu, yn bresennol ac aeth ati i gefnogi rôl ICREST fel model o arfer gorau.