Perfformiad

Amcan strategol 1: Gwasanaeth yn Gyntaf

Rhestr Eiddo’r Gofrestrfa Tir

Mae Rhestr Eiddo’r Gofrestrfa Tir  wedi ei chreu i gydweddu â systemau sefydliadau allanol megis y Rhestr Tir ac Eiddo Genedlaethol a’r Gwasanaeth Gwybodaeth Tir Cenedlaethol. Bydd yn sail ddibynadwy ac effeithiol i adeiladu gwasanaethau electronig ac e-fasnach.

Mae rhwydwaith o Reolwyr Cyfeiriadau Lleol wedi ei sefydlu i sicrhau bod cronfa ddata’r Rhestr yn gywir, yn gyson ac yn gyflawn. Mae’r gronfa ddata yn hanfodol i lwyddiant strategaethau busnes y dyfodol y Gofrestrfa Tir oherwydd dyma fydd pwynt mynediad canolog y proffesiwn cyfreithiol i’n systemau a bydd yn cael ei defnyddio fwyfwy gan y cyhoedd i edrych ar ein data.

Ar gyfer pob teitl newydd sy’n cael ei greu, gellir cymharu cyfeiriadau a chodau post gyda chofnodion y Swyddfa Bost ac awdurdodau lleol, i sicrhau cysondeb ac unioni unrhyw gamgymeriadau posib.