Perfformiad

Amcan strategol 1: Gwasanaeth yn Gyntaf

Indemniad

Eleni, talwyd £3,928,258 am 894 o hawliadau, o gymharu â £2,661,998 am 799 o hawliadau y llynedd.

Roedd y taliad mwyaf yn fwy na £500,000 (gan gynnwys ffïoedd cyfreithiol). Talwyd hwn am golled a oedd yn deillio o gamgymeriad yng nghanlyniad chwiliad o’r Map Mynegai, a fethodd â datgelu bod llain o dir eisoes wedi ei chofrestru. Cafodd y llain ei chynnwys mewn teitl newydd, felly roedd y llain o dir wedi ei chynnwys mewn dau deitl. Cywirwyd yr ail deitl i ddileu’r llain o dir. Er mai dim ond llain gul o dir ydoedd, roedd yn werth llawer o arian oherwydd bod ei hangen i gael mynediad i ddatblygiad arfaethedig ar dir cyfagos. Roedd gan y parti a oedd yn berchen ar y teitl y cafodd y tir ei ddileu ohono yr hawl i indemniad am y gwerth uchel hwn dan baragraff 1(1)(a) Atodlen 8 Deddf Cofrestru Tir 2002..

Rydym wedi adennill £56,235 dan ein hawliau digolledu statudol, o gymharu â £5,950 y llynedd.