Perfformiad

Amcan strategol 1: Gwasanaeth yn Gyntaf

Unioni pethau

Mae cwynion yn elfen bwysig o adborth cwsmeriaid. Maent yn nodi bylchau neu ddiffygion yn y ddarpariaeth gwasanaeth ac yn arwain at welliannau.

• Mae ein gwefan yn cynnwys manylion cyswllt llawn, sy'n ei gwneud hi'n hawdd i bobl gysylltu â ni yn bersonol, dros y ffôn neu drwy lythyr, ffacs neu ebost.
• Gellir cysylltu â Rheolwr Gwasanaeth Cwsmeriaid yr Asiantaeth ar radffôn 0800 015 8002.

Caiff cwsmeriaid eu hysbysu am welliannau a wneir yn sgil cwynion naill ai'n uniongyrchol neu drwy ein cylchlythyr cwsmeriaid, 'Landnet'. Mae gwybodaeth am welliannau hefyd yn cael ei chyhoeddi yn yr adroddiad byr i'n harolwg blynyddol o gwsmeriaid ac mewn erthyglau rheolaidd yn y Law Society Gazette.

Yn 2003-04, cawsom 2,849 o gwynion (5.5 y cant yn llai nag yn 2002-03). Bu i ni ymateb i 88 y cant o gwynion o fewn ein targed pum niwrnod (o gymharu â 90 y cant yn 2002-03).