Perfformiad

Amcan strategol 2: Cyflwyno deddfwriaeth eilaidd well ar gyfer cofrestru tir yn raddol o 2003

Daeth Deddf Cofrestru Tir 2002 a’r Rheolau Cofrestru Tir 2003 cysylltiedig i rym ddydd Llun 13 Hydref 2003.

Ffrwyth chwe blynedd o gydweithio gan Gomisiwn y Gyfraith, y Gofrestrfa Tir, yr Adran dros Faterion Cyfansoddiadol ac adrannau arall oedd y Ddeddf newydd. Dyma’r newidiadau mawr cyntaf i’r system cofrestru tir ers dros 75 mlynedd.

Bydd y newidiadau yn y Ddeddf yn ein helpu i ddelio â gofynion ein cwsmeriaid yn y dyfodol, gan osod y sylfeini ar gyfer datblygu e-drawsgludo. 

Roedd paratoi ar gyfer y Ddeddf newydd yn her fawr. Roedd angen newid llawer ar ein harferion gwaith, ein rhaglenni cyfrifiadurol a’n cronfa ddata i gefnogi’r ddeddfwriaeth newydd. I baratoi’n hunain ar gyfer hyn, aethom ati i:

• launched a major p· lansio ymgyrch gyhoeddusrwydd fawr, i helpu gweithwyr proffesiynol eiddo a thrawsgludo i baratoi ar gyfer gweithredu’r
• sefydlu llinell ffôn arbennig i ddelio ag ymholiadau am y Ddeddf
• rhoi hyfforddiant ar yr arferion a gweithdrefnau newydd i dros 8,000 o aelodau staff a thros 20,000 o ymarferyddion.

Roeddem yn hynod falch bod 97 y cant o’n cwsmeriaid yn fodlon neu’n fodlon iawn gyda’r modd y buom yn cyfathrebu am y newidiadau yn gyffredinol.