Cyllid

Gorchymyn Ffi

Daeth Gorchymyn Ffi Cofrestru Tir 2004 i rym ar 1 Ebrill 2004 yn dilyn lleihad yn nharged Enillion ar Gyfalaf a Ddefnyddiwyd (ROCE) y Gofrestrfa Tir o chwech y cant i dri a hanner y cant. Ers dod yn gronfa fasnachu ym 1993, mae ffïoedd bellach wedi gostwng 53.7 y cant dros y cyfnod hwnnw.

Dyma’r prif newidiadau yn y Gorchymyn Ffi newydd:

• gostyngiad yn y tri band gwerth uchaf ar gyfer ffïoedd Graddfa 1 (mae’r ffi Graddfa 1 fwyaf posib wedi gostwng o £750 i £700)
• cyflwyno ad-daliadau llawn ar gyfer pob gordaliad, gan gynnwys ffïoedd  ceisiadau a gafodd eu dileu neu eu tynnu’n ôl

• dileu’r categori ar wahân ar gyfer ‘ceisiadau arwynebedd mawr’  (100+ hectar) a fydd bellach yn cael eu hasesu at ddibenion ffïoedd naill ai dan Raddfa 1 neu dan Erthygl 6 fel ceisiadau graddfa fawr os yn briodol.