Gwybodaeth ddaearyddol

Prosiect Acacia

Gweledigaeth Acacia yw seilwaith cenedlaethol diffiniol, cyson a chydgysylltiedig o gyfeiriadau eiddo gyda’r data a’r mapiau cysylltiedig. Trwy wella effeithlonrwydd, bydd y seilwaith hwn yn gwella gwasanaeth ledled y sector cyhoeddus a’r economi. Mae’r Gofrestrfa Tir wedi bod yn aelod gweithgar o’r Grŵp Acacia ers dechrau’r prosiect.

Mae Grŵp Acacia bellach wedi creu gweledigaeth ar gyfer y seilwaith cenedlaethol a awgrymir ac wedi egluro sawl agwedd arno. Mae hefyd wedi cynnal a lledaenu gwaith treialu ac ymchwil sylweddol. Mae’r Grŵp wedi helpu i baratoi sylfeini dadl o blaid y seilwaith cenedlaethol o safbwynt busnes, ac wedi nodi opsiynau ar gyfer yr hyn a ddylai ddigwydd nesaf.

Yn awr, bydd Swyddfa’r Dirprwy Brif Weinidog yn ystyried strwythurau a chyfrifoldebau at y dyfodol ar gyfer gwireddu gweledigaeth Acacia. Mae strwythur y gwaith o ddatblygu a chynnal y set ddata cyfeiriadau genedlaethol yn fater hollbwysig.