Gwybodaeth ddaearyddol

Gwella cywirdeb lleoliadol

Mae Arolwg Ordnans (OS) wedi dechrau rhaglen waith bwysig i ddiweddaru a chywiro cywirdeb lleoliadol ei waith mapio gwledig, ar hyd a lled y wlad. Bydd hyn yn arwain at fwy o gysondeb a data mapio mwy cywir ar gyfer ardaloedd gwledig. Bydd yn sicrhau bod y data’n gywir at y dyfodol mewn perthynas â datblygiadau adeiladu newydd a newidiadau eraill. Bydd y newidiadau i ddata OS yn cael effaith sylweddol ar ddaliadau data cyfredol y Gofrestrfa Tir, gyda nodweddion topograffaidd sy’n dynodi bod ffiniau eiddo yn symud mewn modd na ellir ei ragweld yn cael eu cynrychioli.

Rydym wedi bod yn gweithio’n agos iawn gyda’n cyflenwyr systemau allanol i greu ateb lled-awtomataidd i’r broblem hon a fydd yn ein galluogi i symud ein data yn unol â’r manylion sylfaenol. Bydd y system well hon a’r rhaglen rheoli data gysylltiedig yn sicrhau bod y Gofrestr Tir mor gywir a chyfredol â phosib.