Gwybodaeth ddaearyddol

Mapio

Mae’r Gofrestrfa Tir wedi bod yn gweithio gyda’r Arolwg Ordnans (OS) i werthuso MasterMap. Map digidol deallus yw OS MasterMap a gynlluniwyd gan Arolwg Ordnans i’w ddefnyddio gyda systemau gwybodaeth ddaearyddol (GIS) a chronfeydd data. Yn seiliedig ar y Grid Cenedlaethol, mae’n cynnwys gwybodaeth dopograffaidd am bob nodwedd o’r tirlun - adeiladau, ffyrdd, ciosgau ffôn, blychau postio, tirnodau - ac mae’n ddatblygiad sylweddol o gartograffeg draddodiadol.

Rydym yn gweithio ar brosiect a oedd â’r nod gwreiddiol o edrych ar sut gallem ymelwa ar fanteision data MasterMap ond o fewn y fformat mapio LandLine mwy traddodiadol. Set ddata gynhwysfawr yw LandLine sy’n dangos nodweddion a grëwyd gan bobl a nodweddion naturiol, o dai, ffatrïoedd, ffyrdd ac afonydd i gorstir a ffiniau gweinyddol, ac mae’r Gofrestrfa Tir yn ei defnyddio ar hyn o bryd i gynnal a datblygu’r Gofrestr Dir. Sefydlwyd y prosiect hwn i ddiogelu ein busnes rhag ofn i LandLine gael ei ddiddymu’n ddisymwth. Fodd bynnag, ers hynny, mae Arolwg Ordnans wedi dweud y bydd LandLine ar gael hyd y gellir ei ragweld. Mae hyn wedi rhoi cyfle i ni newid pwyslais y prosiect, i werthuso’n well y manteision y gall MasterMap eu cynnig i’n busnes o ran hygrededd data a chwilio gofodol.

Mae’r prosiect wedi nodi nifer o fanteision posib i brosesau busnes cyfredol a mentrau datblygu busnes arfaethedig. Rydym bellach yn archwilio newidiadau mwy pellgyrhaeddol i’n Strategaeth Gwybodaeth Ddaearyddol yn seiliedig ar fanteision busnes OS MasterMap.