Adnoddau dynol

Dysgu a datblygu

Lansiwyd ein cynllun datblygu arweinyddiaeth, Arweinwyr y Dyfodol, ym Mawrth 2005 gyda chyfres o weithdai ar gyfer timau rheoli uwch. Bydd yn rhoi cyfle gwell i staff ar bob lefel ddatblygu sgiliau arwain. Bydd y rhai mwyaf galluog yn ymuno â’r Modiwl Carlam Canolog a fydd yn cael ei ddarparu mewn partneriaeth â’r Ysgol Lywodraeth Genedlaethol a Henley Management College. Y nod yw darparu llif amserol o gystadleuwyr cryf ar gyfer swyddi uwch y Gofrestrfa Tir yn y dyfodol..

Mae nifer o staff mewn swyddi is-reolwyr ac uwch yn astudio ar gyfer cymwysterau rheoli, gan gynnwys MBAs gyda’r Sefydliad Arweinyddiaeth a Rheoli, y Brifysgol Agored a cholegau lleol.

Mae gennym gyfres newydd o weithdai ar gyfathrebu, pendantrwydd, rheoli amser, arweinyddiaeth ysbrydoledig, rheoli newid a datrys problemau.

Roedd ein gwariant ar hyfforddiant yn 16.9 y cant o’r bil cyflog (i fyny o 13 y cant) sy’n adlewyrchu’r gefnogaeth frwd i hyfforddiant.