Gwasanaeth cwsmeriaid a gweithrediadau

Indemniad

Eleni, talwyd £3,516,061 am 914 hawliad, o gymharu â £3,928,258 ar gyfer 894 hawliad y llynedd.

Roedd y taliad mwyaf yn fwy na £240,000 (gan gynnwys costau cyfreithiol) ar gyfer colled ar ôl i deitl cofrestredig gael ei drosglwyddo trwy dwyll. Traddodwyd yr achos i’r Uchel Lys fel y gallai bennu a oedd y trosglwyddiad i’r perchennog cofrestredig cyfredol yn un ffug ac, os felly, a ddylid unioni’r teitl. Enwyd y Prif Gofrestrydd Tir fel un o’r diffynyddion at y diben o hawlio indemniad. Fel y bu hi, bu i ni dderbyn bod digon o dystiolaeth o dwyll, ac ar ôl trafodaethau rhwng y partïon, cytunwyd na fyddai’r gofrestr yn cael ei chywiro ac y dylai’r hawlydd fod â hawl i iawndal dan baragraff 1(1)(b) Atodlen 8 Deddf Cofrestru Tir 2002.

Rydym wedi adennill £28,360 dan ein hawliau atebolrwydd statudol, o gymharu â £56,235 y llynedd.