Gwasanaeth cwsmeriaid a gweithrediadau

Unioni pethau

Mae pethau yn mynd o chwith o bryd i’w gilydd ac efallai y byddwn yn gwneud camgymeriadau y tro cyntaf. Rydym yn croesawu cwynion.

• Mae ein gwefan yn cynnwys manylion cyswllt llawn fel y gall pobl gwyno ar-lein, trwy lythyr/ffacs/ebost, yn bersonol neu dros y ffôn

• Rhif rhadffôn Rheolwr Gwasanaeth Cwsmeriaid yr Asiantaeth yw 0800 015 8002.

Mae cwynion yn ein helpu i nodi bylchau neu ddiffygion yn y ddarpariaeth gwasanaeth ac yn arwain at welliannau. Caiff cwsmeriaid eu hysbysu am welliannau a wneir mewn ymateb i gwynion naill ai’n uniongyrchol neu drwy ein cylchlythyr cwsmeriaid, Landnet. Caiff gwybodaeth am welliannau ei chyhoeddi yn yr adroddiad byr sy’n cyd-fynd â’n harolwg cwsmeriaid blynyddol ac mewn erthyglau rheolaidd yn y Law Society Gazette hefyd.

Yn 2004-05, cawsom 2,579 o gwynion (wedi gostwng 9.5 y cant), ac ymatebwyd i 92 y cant ohonynt o fewn ein targed pum diwrnod (i fyny o 88 y cant).