Gwasanaeth Cwsmeriaid a Gweithrediadau

Bodlonrwydd cwsmeriaid

Rydym yn cynnal arolygon blynyddol o fodlonrwydd cwsmeriaid ac arolygon bodlonrwydd llai bob yn ail fis; yn gwahodd cwsmeriaid sy’n ymweld â’n swyddfeydd i gwblhau holiadur bodlonrwydd; yn cynnal cyfarfodydd rheolaidd gyda grwpiau cynrychiolwyr a chwsmeriaid; ac yn talu sylw i sylwadau, awgrymiadau a chwynion.

Gwahoddwyd 15,000 o ddeiliaid cyfrif i gwblhau ein harolwg yn 2004. Cwblhaodd 400 o gwsmeriaid yr arolwg ar-lein (y tro cyntaf i ni gynnig yr opsiwn hwn) ac roedd y gyfradd ymateb dros dri y cant yn uwch na’r llynedd. Mae’r canlyniadau’n galonogol.

• Cwmnïau’r sector preifat – roedd 80 y cant o’r farn ein bod yn perfformio’n llawer gwell/yn well na chwmnïau’r sector preifat (i fyny o 77.4 y cant).
• Sefydliadau’r sector cyhoeddus – roedd 87 y cant o’r farn ein bod yn perfformio’n llawer gwell/yn well na sefydliadau eraill yn y sector cyhoeddus (i fyny o 84 y cant).

• Gwasanaethau Pridiannau Tir – roedd 99.1 y cant yn fodlon iawn/bodlon â’r amrywiaeth llawn o wasanaethau.