Trawsgludo electronig Byddwn yn lansio’r cyfran cyntaf o wasanaethau e-drawsgludo sy’n cynnwys prototeip o wasanaeth Cadwyn Matrics. Mae’r gadwyn matrics yn caniatáu i rywun edrych ar y trafodion mewn cadwyn drawsgludo eiddo preswyl ar-lein, gan nodi tagfeydd a darparu trylowyder. Bydd yn nodwedd allweddol o’n gwasanaeth llawn ac mae’r prototeip wedi’i ddylunio i roi profiad gwerthfawr i ni wrth greu’r fersiwn terfynol hwn. Trawsgludo electronig yw ein buddsoddiad mwyaf, a’n risg fwyaf hefyd. Er mwyn lleihau’r risg honno, rydym wedi datblygu strategaeth cyfrannau, sy’n ein galluogi i gyflwyno’r gwasanaeth yn raddol.
Datblygu busnes Ein strategaeth hirdymor yw darparu gwasanaethau ar-lein integredig ar gyfer ein cwsmeriaid a gosod sylfeini'r gwasanaeth e-drawsgludo llawn ar gyfer trafodion. Ein gwaith eleni fydd sefydlu Porth Cofrestrfa Tir fel cam cyntaf. Byddwn wedyn yn mynd ati i bennu sut y gallwn integreiddio a chynnal ein holl wasanaethau ar-lein cyfredol trwy’r porth hwn.
Polisi risg Diben ein polisi rheoli risg yw rheoli risg yn effeithiol ac yn agored trwy ddatblygu arferion a gweithdrefnau cadarn. Trwy wneud hyn, mae modd gwneud dewisiadau gwybodus a sicrhau rheolaeth risg heb ei hail, gan ddiogelu buddion budd-ddeiliaid yn y busnes. Mae’r polisi’n berthnasol i holl bersonél y Gofrestrfa Tir ym mhob lleoliad. |
