PRIDIANNAU TIR A CHREDYDAU AMAETHYDDOL
Pridiannau Tir Mae'r Adran Pridiannau Tir yn gweithredu dan awdurdod Deddf Pridiannau Tir 1972. Mae'r Adran yn cadw cofrestri o bridiannau tir, gweithrediadau sydd dan ystyriaeth, gwritiau a gorchmynion sy'n effeithio ar dir a llyffetheiriau eraill sydd wedi'u cofrestru yn erbyn enwau perchnogion eiddo sydd heb eu cofrestru dan y Deddfau Cofrestru Tir. Credydau Amaethyddol Mae Credydau Amaethyddol yn gyfrifol am gadw cofrestr o fenthyciadau tymor byr gan fanciau dan Ran II Deddf Credydau Amaethyddol 1928. Caiff y pridiannau hyn eu gwarantu ar stoc ffermio ac asedau amaethyddol eraill y ffermwr.
Perfformiad Eleni deliodd yr Adrannau Pridiannau Tir a Chredydau Amaethyddol â 5,187,521 o geisiadau (cynnydd o 0.7 y cant). Roedd hyn i'w briodoli'n bennaf i gynnydd yn nifer y ceisiadau cofrestru ansolfedd a dderbyniwyd. Cynyddodd cyfran y ceisiadau am chwiliadau a chopïau swyddogol a gyflwynwyd dros y ffôn, mynediad uniongyrchol a'r ffacs i 76 y cant o gyfanswm y ceisiadau a dderbyniwyd y flwyddyn hon (i fyny o 69 y cant), gydag 82 y cant o geisiadau copïau swyddogol yn cael eu cyflwyno fel hyn.
Erbyn hyn mae 47 y cant o chwiliadau Pridiannau Tir yn cael eu prosesu trwy'r Gofrestrfa Tir Uniongyrchol a'r GGTC. Gostyngodd canran y chwiliadau ffôn a gwblhawyd fel cyfran o gyfanswm y ceisiadau am chwiliadau i 30 y cant (i lawr o 51 y cant). |
