Cyfrifoldebau cymdeithasol, cymunedol ac amgylcheddol
Rydym yn cymryd ein cyfrifoldebau cymdeithasol ac amgylcheddol o ddifrif ac yn falch o’n hanes o wneud gwelliannau i’r ffyrdd y mae ein gweithgareddau o ddydd i ddydd yn effeithio ar yr amgylchedd ac ar bobl.
Mae’r Gofrestrfa Tir yn ymrwymedig i wneud popeth o fewn ei gallu, fel adran y llywodraeth, asiantaeth weithredol, a chronfa fasnachu, i annog diwylliant o amrywiaeth a datblygu staff, diogelu’r amgylchedd, a chefnogi cyswllt positif gyda’r gymuned. Datganiad polisi Cyfrifoldeb Cymdeithasol Corfforaethol (CSR), 2004
Mae gennym strategaeth CSR hirdymor i sicrhau ein bod yn parhau i weithredu fel busnes cyfrifol ac yn gwella’r ffyrdd rydym yn ymwneud â’r gymuned. Yn ddiweddar, mae nifer o swyddfeydd lleol wedi bod yn cymryd rhan mewn sawl her wirfoddoli lwyddiannus dan y cynllun Busnes yn y Gymuned, ac mae Swyddfa Cymru wedi bod yn cynorthwyo disgyblion ysgol gyda’u hastudiaethau ac i gynllunio’u gyrfaoedd. |
