Adolygiad Blynyddol Ar-lein 2005/2006

Amrywiaeth a chyfle cyfartal

• Enillodd y Gofrestrfa Tir wobr Age Positive at Work Personnel Today ym mis Tachwedd 2005 fel cydnabyddiaeth o’n gwaith ar fonitro oedran, recriwtio pobl o bob oed a herio diwylliant sy’n gwahaniaethu ar sail oed. Rydym yn paratoi taflen i bob aelod o staff ar y peryglon o stereoteipio ar sail oed fel rhan o’n paratoadau ar gyfer y ddeddfwriaeth gwahaniaethu ar sail oed a fydd yn dod i rym ym mis Hydref eleni.
• Yn ystod y flwyddyn, roeddem yn un o aelodau sefydlu Fforwm y Cyflogwyr ar Gred, grŵp o gyflogwyr sy’n rhannu arferion da mewn perthynas â chyflogi pobl o bob ffydd.
• Adolygwyd a chyhoeddwyd Cynllun Cydraddoldeb Hiliol yn 2005 ac rydym yn gweithio gyda’n grŵp ffocws staff ar anabledd i gynhyrchu Cynllun Cydraddoldeb Anabledd
• Rydym yn bwriadu datblygu Cynllun Cydraddoldeb Amrywiaeth a fydd yn rhoi sylw i bob elfen o’r agenda amrywiaeth, gan gynnwys y rhai nad ydynt wedi’u cwmpasu gan ddyletswyddau statudol ar hyn o bryd.
• Rydym wedi cynhyrchu canllawiau newydd i staff ar ymwybyddiaeth gyffredinol o anabledd, HIV a’r gweithle a threfnu cyfarfodydd hygyrch.
• Hefyd, cynhaliwyd dosbarth meistr gennym ar gyfer Fforwm y Cyflogwyr ar Anabledd ar landlordiaid a thenantiaid masnachol a’r Ddeddf Gwahaniaethu ar sail Anabledd.
• Mae ein Grŵp Llywio Amrywiaeth wedi cymeradwyo Cynllun 10-Pwynt y Gwasanaeth Sifil ar Amrywiaeth a bydd yn parhau i fonitro ein hymateb iddo.