Pan fyddwn yn gwneud cynigion a fydd, yn ein barn ni, yn gwneud cofrestru tir yn haws, rydym bob amser yn eu trafod mewn grwpiau defnyddwyr a fforymau eraill.

Os yw unrhyw un ohonynt yn effeithio'n sylweddol  ar ymarfer neu weithdrefnau, byddwn yn cynnal ymgynghoriad ffurfiol yn unol â'r Côd Ymarfer ar Ymgynghoriadau (gwefan allanol, berr.gov.uk).

Gall unrhyw un fynegi barn yn ystod ymgynghoriad y Gofrestrfa Tir. Mae'r cyfnod trafod yn parhau am 12 wythnos fel rheol a gall y sylwadau a dderbynnir wneud gwahaniaeth.  Gallwch ymateb naill ai drwy neges e-bost neu drwy'r post.

Newidiadau arfaethedig i oriau agor e-wasanaethau'r Gofrestrfa Tir

Mae'r Gofrestrfa Tir wedi penderfynu rhesymoli oriau agor ei gwasanaethau electronig a phryd fydd y rhestr dydd ar gael er mwyn sicrhau eglurdeb, cysondeb a thegwch.

Bydd y newidiadau arfaethedig yn arwain at newidiadau i'r Llawlyfr Technegol ac o ganlyniad rydym yn ymgynghori â'n cwsmeriaid yn unol â'r Côd Ymarfer ar gyfer newidiadau i'r Cytundeb Mynediad i'r Rhwydwaith a'r Llawlyfr Technegol.

Cynhelir yr ymgynghoriad rhwng 2 Tachwedd 2009 a 30 Tachwedd 2009.

Mae'r ddogfen ymgynghori ar e-wasanaethau yn rhoi manylion y newidiadau arfaethedig a sut i ymateb.

Ymarferion ymgynghori wedi'u cwblhau ac ymarferion ymgynghori y gorffennol

Gallwch gael manylion yr ymgynghoriadau wedi'u cwblhau trwy ddilyn y cysylltau isod.

Ymgygnhoriadau wedi'u cwblhau yn 2009

Ymgynghoriadau wedi'u cwblhau yn 2008

Nid oes ymarferion ymgynghori yn mynd rhagddynt ar hyn o bryd.