Os ydych chi am gwyno am y ffordd rydym wedi darparu gwasanaeth masnachol, cysylltwch â'n tîm gwasanaethau masnachol a byddant yn ceisio unioni pethau ichi neu esbonio'r rhesymau os nad yw hyn yn bosibl. Rydym yn disgwyl y bydd cysylltu â'n tîm gwasanaethau masnachol yn ddigon i ddatrys y rhan fwyaf o broblemau. Ond, os ydych yn anfodlon o hyd ar ôl gwneud hyn, dylech ofyn i'r tîm gyfeirio eich pryderon i’n cyfreithiwr corfforaethol. Bydd yn adolygu'r hyn sydd wedi cael ei ddweud a rhoi ei farn ynghylch pa gamau y gellir eu cymryd Os nad ydych yn fodlon â sylwadau'r cyfreithiwr corfforaethol gallwch gysylltu â Swyddfa Gwybodaeth y Sector Cyhoeddus (OPSI). Byddant yn adolygu'r hyn sydd wedi cael ei ddweud hyd yn hyn ac yn rhoi barn annibynnol ichi. Os ydych yn anfodlon o hyd, gallwch gysylltu â'r Panel Ymgynghorol ar Wybodaeth y Sector Cyhoeddus (APPSI). Byddant yn ystyried eich pryderon o'r newydd a rhoi eu barn ichi. Gallwch fynd â'ch pryderon gerbron llys ar unrhyw amser ond mae hyn yn ddrud, tra bod adolygiad OPSI neu APPSI am ddim. I gael rhagor o wybodaeth am OPSI ewch i'w gwefan. |
