Nodweddion e-drawsgludo i ddod yn fuan:
E-arwystlon ac e-lofnodion

Arwystl electronig ar ffurf safonol (e-CSF) yw’r weithred electronig gyntaf i’w chyflwyno a bydd yn fodd i gofrestru morgeisi dros y rhyngrwyd

Mae’n cynnwys yr holl faterion sydd i’w gweld ar hyn o bryd mewn dogfennaeth morgais a luniwyd i’r diben, gan gynnwys ceisiadau am gyfyngiadau a chofnodion rhwymedigaethau.

Yn ogystal â’r materion sy’n peri cofnodion yn y gofrestr, bydd modd cyfeirio yn yr e-arwystl at amodau rhoddwr benthyg ar gyfer morgais a chynnwys darpariaethau eraill y mae’r rhoddwr benthyg yn eu cynnwys mewn gweithredoedd morgais nawr ond nad ydynt yn berthnasol i’r Gofrestrfa Tir.

E-lofnodion
Pan fydd cyfreithiwr yn paratoi arwystl electronig, bydd y cymerwr benthyg yn llofnodi’r weithred yn electronig. Mae’r llofnod electronig yn sicrhau y cedwir y wybodaeth ar yr arwystl yn breifat; mae’n atal twyll, yn sicrhau nad oes modd diarddel y data ac yn sicrhau eu dilysrwydd.