Hyfforddiant cwsmeriaid
Mae'r Gofrestrfa Tir yn cynnig hyfforddiant mewn ymarfer a threfnau cofrestru tir i ymarferyddion ar bob lefel.
Pwy gwell na'n harbenigwyr i'ch helpu i wella'ch gwybodaeth am weithdrefnau trawsgludo cofrestredig?
Felly p’un ai ydych chi wedi cydweithio gyda ni am lawer o flynyddoedd, neu’n hollol newydd i faes trawsgludo, darllenwch ymlaen i weld sut y gallwn eich helpu ac, ar yr un pryd, cael eich achredu gydag oriau DPP dan gynlluniau Cymdeithas y Cyfreithwyr, Sefydliad y Gweithredwyr Cyfreithiol (ILEX) a Chyngor y Trawsgludwyr Trwyddedig (CLC).
Seminarau
Ym mis Medi 2007 cyflwynwyd ein rhaglen hyfforddiant cwsmeriaid gan gynnwys seminarau agored (yn ystod y dydd ledled y wlad) a seminarau mewnol (ar gyfer grwpiau yn eich swyddfa) mewn 15 lleoliad ar hyd a lled Cymru a Lloegr.
Rydym wedi ehangu'r rhaglen ar gyfer 2008/9 trwy gyflwyno pynciau newydd a chynnal mwy o seminarau ym mhob lleoliad.
Yn ystod 2008/9 byddwn yn cynnal ein rhaglen hyfforddiant cwsmeriaid a gafodd ei chyflwyno llynedd.
Os oes gennych ddiddordeb mewn seminar agored, darllenwch y dudalen Seminarau agored a'r dudalen amserlen seminarau i gael gwybodaeth fanwl am bynciau lleoliadau a chofrestru.
Gallwch hefyd lwytho i lawr ein llyfryn seminarau diweddaraf (267Kb, ffeil PDF).
Cost
Mae prisiau seminarau agored yn dechrau o £95 y pen am bob pwnc, neu gallwch fanteisio ar y gostyngiadau sydd ar gael pan fyddwch yn dewis dau (£125) neu dri (£200) phwnc.
Mae prisiau seminar mewnol yn amrywio o £750 i £1,400 yn dibynnu ar y pynciau a hyd y seminar. Maent yn cael eu darparu ar gyfer hyd at 30 o bobl.
Cadw lle
Mae'r seminarau'n cael eu cynnal rhwng Tachwedd (eleni) ac Ebrill (y flwyddyn nesaf).
Rydym yn argymell eich bod yn cadw lle o leiaf ddwy wythnos cyn y seminar.
Taliad
Mae'r Gofrestrfa Tir yn derbyn taliadau trwy BACS neu siec.
Polisi canslo
Rhaid canslo'n ysgrifenedig bob amser. Sylwch ein bod yn cadw'r hawl i ganslo seminar neu amrywio manylion y rhaglen heb rybudd.
I ganslo lle ar seminar, llenwch ffurflen ganslo ac anfonwch eich cais. Byddwn yn cadarnhau bod eich lle wedi'i ganslo.
Nodyn: Dylech ddarllen ein telerau ac amodau ar gyfer seminarau agored.
