Arweiniodd y broses o weithredu Rheolau Cofrestru Tir (Newidiad) 2008 ar 10 Tachwedd 2008 at ddisodli atodiad 4 o Reolau Cofrestru Tir 2003 (sy'n cynnwys y cyfyngiadau safonol) yn llwyr.
Newidiwyd y rhan fwyaf o'r cyfyngiadau safonol. Mae rhai newidiadau yn sylweddol tra bod eraill yn cywiro mân newidiadau neu amwyseddau. Rydym wedi gwella cynllun y cyfyngiadau drwy ddefnyddio pwyntiau bwled i wahanu cymalau dewisol er mwyn gwneud y dewisiadau'n fwy clir.
Dylid darllen Atodiad 4 ar y cyd â Rheol 91A diwygiedig, paragraffau 4,5,6,7 ac 8.
"(4) Gall cyfyngiad yn Ffurf L, N, S, T, II, NN neu OO ddechrau gyda-
(a) y geiriau "Hyd farwolaeth [enw]",
(b) y geiriau "Hyd farwolaeth goroeswr [enwau dau neu ragor o unigolion]", neu
(c) y gair "Hyd" wedi'i ddilyn gan ddyddiad calendr."
"(5) Gall cyfyngiad yn Ffurf M, O, P neu PP ddechrau gyda'r gair "Hyd" wedi'i ddilyn gan ddyddiad calendr.
(6) Lle y mae cyfyngiad yn Ffurf J, K, Q, S, T, BB, DD, FF, HH, JJ, LL neu OO yn ymwneud ag arwystl cofrestredig, sef un o ddau neu ragor o arwystlon cofrestredig o'r un dyddiad ac sy'n effeithio ar yr un ystad gofrestredig, rhaid ychwanegu'r geiriau "o blaid" wedi'u dilyn gan enw'r perchennog cofrestredig i'r cyfyngiad ar ôl dyddiad yr arwystl.
(7) Lle y ceir y gair "hwy" mewn ffurf safonol o gyfyngiad sy'n cyfeirio at unigolyn a enwir yn y cyfyngiad, gellir ei ddisodli fel sy'n briodol gan y gair "ef", hi", "ei" neu "eu".
(8) Lle y mae ffurf safonol o gyfyngiad yn caniatáu pennu math o warediad yn lle'r gair "gwarediad", y mathau o warediad y gellir eu pennu yw "trosglwyddiad", "prydles", "arwystl" neu "is-arwystl", neu unrhyw gyfuniad priodol o'r mathau hyn."
Er mwyn eich helpu gyda'r newidiadau hyn, rydym wedi llunio dau fodiwl sy'n egluro sut i lunio dau o'r cyfyngiadau, Ffurf L a Ffurf NN.
Pan fyddwch wedi cwblhau modiwl, gallwch gopïo neu dorri'r cyfyngiad wedi'i gwblhau a'i ludo i'ch dogfen neu eich ffurflen gais.
|
