Cyfarwyddyd i gydradd-ddaliad Cyflwyniad

Cyflwyniad

Diben y cyfarwyddyd hwn yw rhoi ychydig o wybodaeth am gefndir cydradd-ddaliad. Fe’i cynlluniwyd i roi dealltwriaeth sylfaenol ynghylch sut mae cydradd-ddaliad yn gweithio, y rheswm dros ei gyflwyno a sut mae’n wahanol i berchnogaeth rhydd-ddaliad a lesddaliad confensiynol.

Ni chynlluniwyd y cyfarwyddyd hwn i roi cyngor (cyfreithiol neu fel arall) ynghylch manteision neu anfanteision trosi i gynllun cydradd-ddaliad neu brynu i mewn i gynllun cydradd-ddaliad.

Mae unrhyw gyfeiriadau at “y Ddeddf” yn y cyfarwyddyd hwn yn cyfeirio at Ran 1 Deddf Cydradd-ddaliad a Diwygio Prydlesoedd 2002 a ddaeth i rym ar 27 Medi 2004, ac eithrio adrannau 21(4) a (5).

Dylai gymryd oddeutu 30 munud i gwblhau’r modiwl.

I fynd trwy’r modiwl, defnyddiwch y cysylltau ‘nesaf’ a ‘blaenorol’ ar bob tudalen, neu mae’r cyswllt 'Cynnwys' yn eich galluogi i droi at adrannau unigol o’r cyfarwyddyd. Yn ogystal, mae geirfa o'r termau cyffredin a ddefnyddir ar gael ar ddiwedd y modiwl hwn.