Yn ôl i'r hafan To English language site
Prisiau tai
Cofrestru'ch tir
E-drawsgludo
Addysg a hyfforddiant
Eich hawliau gwybodaeth
Ymarfer
Gwybodaeth am eiddo
E-wasanaethau
E-wasanaethau busnes
Chwilio am eiddo
E-lofnod morgais
Y Gofrestrfa Tir Uniongyrchol

Cynnyrch ychwanegu gwerth
Cynlluniau cyhoeddiadau

Cyfarwyddyd i gydradd-ddaliad Dogfennau hanfodol Contents Previous Next

Dogfennau Hanfodol

Rhaid creu cydradd-ddaliad o deitl rhydd-ddaliol llwyr cofrestredig. Ni all fodoli ar dir digofrestredig. Os nad yw'r tir rhydd-ddaliol eisoes wedi'i gofrestru gyda'r Gofrestrfa Tir, rhaid gwneud cais i'w gofrestru.

Y rhagamod hanfodol arall er mwyn creu cydradd-ddaliad yw'r angen i greu cymdeithas cydradd-ddaliad.

Cymdeithas Cydradd-ddaliad

Mae cymdeithas cydradd-ddaliad yn gwmni preifat a ymgorfforwyd o dan Ddeddf Cwmnïau 2006 ac a gyfyngir trwy warant yn hytrach na chyfranddaliadau.

Mae'r gymdeithas yn gyfrifol am gynnal a chadw'r rhannau cyffredin ac mae'n codi tâl gwasanaeth i dalu ei chostau. Bydd rheoliadau llym yn rheoli cyfarfodydd a busnes cyffredinol y gymdeithas. Mae uned-ddalwyr yn aelodau'r gymdeithas ac mae ganddynt hawliau pleidleisio yn ei chyfarfodydd.

Mae tair dogfen yn ffurfio cyfansoddiad y cydradd-ddaliad:

  • Memorandwm cyweithio'r gymdeithas cydradd-ddaliad;  
  • Erthyglau cyweithio'r gymdeithas cydradd-ddaliad; a'r
  • Datganiad cymuned cydradd-ddaliad.

Mae'r memorandwm cyweithio yn ddogfen fer sy'n nodi bwriad y tanysgrifwyr i greu cwmni a dod yn aelodau. Oddi ar 1 Hydref 2009 nid oes gofyniad i'w anfon at y Gofrestrfa. Mae'r erthyglau cyweithio yn cynnwys datganiad mai amcan y cwmni yw bod yn gymdeithas cydradd-ddaliad a rheoli'r sefydliad mewnol ac achosion y gymdeithas, megis pwerau pleidleisio. Mae'r datganiad cymuned cydradd-ddaliad yn nodi fframwaith rheoli a rheolau'r gymdeithas.