Copïau swyddogol Gellir gwneud cais am gopïau o deitl y rhannau cyffredin neu deitl uned yn y ffordd arferol. Teitl y rhannau cyffredin: Dan ddarpariaeth y Rheolau, rhaid cynnwys y geiriau canlynol mewn cais am gopïau swyddogol o deitl rhannu cyffredin ym mhanel 9 ffurflen OC1: "copi(copïau) swyddogol y gofrestr a chynllun teitl y rhannau cyffredin mewn datblygiad cydradd-ddaliol”. Os yw’r cais am gopi swyddogol o gofrestr neu gynllun teitl y rhannau cyffredin neu’r dystysgrif archwilio yn ffurflen C1, bydd y Gofrestrfa Tir bob amser yn darparu copi swyddogol o'r gofrestr a chopi swyddogol o’r cynllun teitl neu dystysgrif C1. Fodd bynnag, dim ond un ffi arbennig a godir. Teitl uned: Gyda theitl uned, dim ond yr hyn y gwnaethpwyd cais amdano a gyhoeddir gan y Gofrestrfa Tir. Mae'r ffi yr un fath â’r un a godir ar gyfer unrhyw gais arferol am gopi swyddfa. Dogfennau eraill: Gall unrhyw un wneud cais am gopïau swyddogol o’r fersiynau presennol o ddogfennau cydradd-ddaliad allweddol (e.e. y datganiad cymuned cydradd-ddaliad), dim ond iddynt dalu’r ffi briodol. Gellir cael copïau o fersiynau blaenorol o’r dogfennau allweddol hefyd, ond dylid defnyddio ffurflen OC2, a’i hanfon naill ai drwy’r post neu DX. Chwiliadau swyddogol Dylid cyflwyno chwiliadau swyddogol yn erbyn teitlau cydradd-ddaliol yn yr un modd ag y gwneir gyda theitlau eraill. Bydd y canlyniad a roddir gan y Gofrestrfa Tir yr un fath hefyd, yn ogystal â’r cyfnod blaenoriaeth a roddir gan y chwiliad. |
