Dogfennau ategol
Rhaid cyflwyno’r dogfennau ychwanegol canlynol hefyd: - Tystysgrif ymgorffori y gymdeithas cydradd-ddaliad neu unrhyw dystysgrif a newidiwyd
- Copi ardystiedig o'r memorandwm a’r erthyglau cyweithio
- Dau gopi ardystiedig o’r datganiad cymuned cydradd-ddaliad
- Y cydsyniad angenrheidiol (ffurflen CON1)
- Unrhyw orchmynion llys yn lle cydsyniad
- Ffurflen CON2 pan wneir cais “peidio â bod”
- Tystysgrif cyfarwyddwyr
- Datganiad statudol
Pan gaiff ei chynnwys gyda chais cychwynnol am gydradd-ddaliad, mae’r “dystysgrif cyfarwyddwyr” yn ddatganiad: - bod y memorandwm a’r erthyglau yn cydymffurfio â’r Rheoliadau
- bod y DCC yn bodloni gofynion y Ddeddf
- nad yw’r gymdeithas wedi masnachu ac nad oes ganddi unrhyw atebolrwydd nad yw wedi ei ryddhau a
- bod yr holl dir yn y cais yn gallu bod yn dir cydradd-ddaliol.
Rhaid i’r “datganiad statudol” - restru pob cydsyniad a sicrhawyd, neu’r gorchmynion llys sy’n esgusodi rhag cael cydsyniad
- cadarnhau nad oes angen unrhyw gydsyniad arall
- cadarnhau nad yw cyfnod unrhyw gydsyniad wedi dod i ben neu nad oes unrhyw un wedi cael ei dynnu’n ôl, a chadarnhau os yw cydsyniad yn ddarostyngedig i amodau, y bodlonwyd yr holl amodau’n llawn a
- chadarnhau nad oes unrhyw gyfyngiad sy’n ymddangos ar y gofrestr yn gwarchod budd y mae angen sicrhau cydsyniad y deiliad yn ei gylch; neu os yw’n gwarchod budd o’r fath, bod y cydsyniad priodol wedi’i sicrhau.
Os yw’r cais yn cynnwys (yn unol â rhan 22 y Ddeddf) dileu arwystl rhan o uned sy’n destun cofnod ar y gofrestr teitl, rhaid cynnwys datganiadau ychwanegol yn y datganiad. Gellir gweld manylion am y datganiadau ychwanegol trwy droi at Gyfarwyddyd Ymarfer 60 - Cydradd-ddaliad. Mae’r dudalen nesaf yn ystyried y cydsyniadau yn fanylach a’r gymeradwyaeth ar gyfer y cynllun cydradd-ddaliad. |
