Cyfarwyddyd i gydradd-ddaliad Crynodeb

Crynodeb

Cyffredinol:

• Mae cydradd-ddaliad yn wahanol i deitl rhydd-ddaliol traddodiadol oherwydd ei fod yn cyfuno perchnogaeth rhydd-ddaliad uned mewn datblygiad, gydag aelodaeth o gymdeithas cydradd-ddaliad. Mae'r gymdeithas yn berchen ar ac yn gyfrifol am reoli a chynnal a chadw’r rhannau cyffredin yn y datblygiad.
• Ceir tri math o gydradd-ddaliad – (1) Datblygiadau newydd (2) rhai sydd wedi eu trosi o lesddaliad a (3) rhai sydd wedi eu trosi o rydd-ddaliad.

Strwythur:

• Gellir creu cydradd-ddaliad o dir rhydd-ddaliol llwyr sydd wedi ei gofrestru yn unig.
• Gellir cynnwys mwy nag un darn o dir yn y cydradd-ddaliad, megis ar ddwy ochr y ffordd, ond rhaid i’r ddau ddarn o dir rannu cyfleusterau neu ymrwymiadau cyffredin.
• Rhaid iddo gynnwys o leiaf ddwy uned a’r rhannau cyffredin.  
• Gellir creu cydradd-ddaliad at ddefnydd masnachol neu breswyl neu fel cyfuniad o’r ddau.

Ni chaiff y cydradd-ddaliad gynnwys:

• rhydd-ddaliad ansgwar  
• tir amaethyddol
• teitl digwyddiadol (h.y. teitl sy’n debygol dan statudau penodol i gael ei ddychwelyd i rywun ac eithrio’r perchennog cofrestredig h.y. rhai ysgolion nas defnyddir mwyach).

Mae’r dogfennau hanfodol fel a ganlyn:

• memorandwm cyweithio y gymdeithas cydradd-ddaliad
• erthyglau cyweithio y gymdeithas cydradd-ddaliad
• datganiad cymuned cydradd-ddaliad.

Ffurflenni’r Gofrestrfa Tir:

• CM1 – Cais i gofrestru ystad rydd-ddaliol mewn tir cydradd-ddaliol  
• CM2 – Cais bod yr ystad rydd-ddaliol yn peidio â bod yn gofrestredig fel ystad rydd-ddaliol mewn tir cydradd-ddaliol yn ystod y cyfnod trosiannol  
• CM3 – Cais i gofrestru diwygio datganiad cymuned cydradd-ddaliad a/neu newid memorandwm ac erthyglau cyweithio  
• CM4 – Cais i ychwanegu tir at gofrestriad cydradd-ddaliad  
• CM5 – Cais i derfynu cofrestriad cydradd-ddaliad  
• CM6 – Cais i gofrestru cymdeithas cydradd-ddaliad olynol
• COE – Hysbysiad o newid maint uned gydradd-ddaliol gydag arwystl cofrestredig arni
• COV – Cais i gofrestru gydag uned-ddalwyr
• CON1 – Cydsynio â chofrestru tir fel tir cydradd-ddaliol
• CON2 – Cydsynio â chais bod yr ystad rydd-ddaliol yn peidio â bod yn gofrestredig fel ystad rydd-ddaliol mewn tir cydradd-ddaliol yn ystod y cyfnod trosiannol, a
• SR1 – Rhybudd o ildio hawl(iau) datblygu

Gellir llwytho copïau o’r ffurflenni unigol i lawr o wefan y Gofrestrfa Tir.

Dogfennau gofynnol eraill:

• Ffurflen FR1 y Gofrestrfa Tir os nad yw’r tir wedi’i gofrestru eisoes
• Ffurflen AP1 y Gofrestrfa Tir os yw hynny’n briodol
• Tystysgrif ymgorffori y gymdeithas cydradd-ddaliad
• Tystysgrif cyfarwyddwyr
• Unrhyw gydsyniadau angenrheidiol (wedi’u cynnwys ar ffurflenni CON1)
• Datganiad statudol  
• Gorchmynion llys – os yw'n briodol.

Darllen pellach

Gellir llwytho Cyfarwyddyd Ymarfer 60 - Cydradd-ddaliadi i lawr o wefan y Gofrestrfa Tir neu gellir cael copi ohono yn rhad ac am ddim o unrhyw un o swyddfeydd y GofrestrfaTir.

Mae copïau o'r Ddeddf, y Rheolau a’r Rheoliadau ar gael ar-lein.

I gael mwy o wybodaeth am dermau a ddefnyddir yn y modiwl hwn darllenwch yr eirfa.

Dyma ddiwedd y cyfarwyddyd.