Caniatâd gan arwystlai - y dystiolaeth sy'n ofynnol Caniatâd neu ryddhad Gall arwystlai roi caniatâd trwy lythyr caniatâd ffurfiol, neu gall gyflwyno rhyddhad o ran (Ffurflen DS3) yn lle hynny. Fodd bynnag, os defnyddir DS3 bydd rhaid gwneud cofnod ar deitl y landlord bod y rhan a brydleswyd wedi cael ei rhyddhau o'r arwystl. Gyda theitl sy'n cynnwys nifer mawr o adeiladau prydlesol gall hyn fod yn lletchwith. Am y rheswm hwn, defnyddio caniatâd yw'r dewis gorau. Cewch fwy o wybodaeth am ffurf caniatâd neu ryddhad yng Nghyfarwyddyd Ymarfer 31 y Gofrestrfa Tir - Rhyddhau Arwystlon.
Prydlesi a roddir dan ddeddfwriaeth Hawl i Brynu, neu Hawl i Gaffael Os yw prydles wedi cael ei rhoi dan ddarpariaethau Deddf Tai 1985, mae'n bosib na fydd angen caniatâd yr arwystlai neu ryddhad. Cewch fwy o fanylion yng Nghyfarwyddyd Ymarfer 47 y Gofrestrfa Tir - Trosglwyddo ystadau tai cyhoeddus.
Dyma ddiwedd y bennod ar ganiatâd. |
