Mae'r adran hon yn ymwneud ag opsiynau sydd wedi'u cynnwys mewn prydlesi yn unig. Mae opsiynau sydd wedi'u cynnwys mewn gweithredoedd ar wahân yn cael eu trafod yn Atodiad A Cyfarwyddyd Ymarfer 19 y Gofrestrfa Tir - Rhybuddion, cyfyngiadau a gwarchod buddion trydydd parti ar y gofrestr.

Pwyntiau cyffredinol

Bydd y Gofrestrfa Tir yn nodi opsiwn neu hawl rhagbrynu yn y teitl sy'n dwyn y baich yn unig. Er enghraifft, byddwn yn cofnodi yn nheitl y landlord opsiwn tenant i brynu'r rifersiwn. Yn yr un modd byddwn yn cofnodi hawl landlord i brynu'r ystad brydlesol yn nheitl tenant.

Cymalau terfynu

Mae cymal terfynu yn caniatáu i'r parti perthnasol (fel rheol y tenant) derfynu prydles cyn diwedd y tymor penodedig. Os yw'r cymal yn ddim mwy na darpariaeth i ganiatáu terfynu'r brydles yn gynnar, nid yw'n fudd sy'n effeithio ar yr ystad gofrestredig. Atebolrwydd yw sy'n berthynol i'r brydles ac ni ellir ei nodi yn y gofrestr (gweler adran 12(4) DCT 2002 yn achos cofrestriadau cyntaf, neu adran 29(2)(b) yn achos gwarediadau cofrestredig).

Os oes rhwymedigaeth i derfynu gall hyn arwain at gontract ystad o blaid y landlord  (Greene yn erbyn Church Commissioners [1974] Ch 457) sy'n effeithio'n wrthwynebus ar deitl y tenant. Gellir nodi hyn fel rhybudd a gytunwyd neu unochrog.

Mae'r dudalen nesaf yn trafod opsiynau eraill mewn prydlesi y gellir eu nodi.