Opsiynau y gellir eu nodi

Mae opsiynau o blaid tenant y gellir eu nodi yn cynnwys hawl i:

• adnewyddu'r brydles
• gaffael prydles arall
• brynu'r rifersiwn ar unrhyw adeg a gytunwyd yn flaenorol
• brynu'r ystad rifersiynol neu ryw dir arall os yw'r landlord yn penderfynu gwerthu (gelwir hyn hawl rhagbrynu neu wrthodiad cyntaf).

Mae opsiynau o blaid landlord y gellir eu nodi yn cynnwys:

• cyfamod gan y tenant i ildio, neu i gynnig ildio'r brydles lle nad oes angen cyflwyno rhybudd (ee cyn i'r tenant aseinio'r brydles)
• hawl rhagbrynu sy'n rhoi gwrthodiad cyntaf i'r landlord os yw'r tenant yn penderfynu gwerthu'r ystad brydlesol.

Cais i nodi opsiwn

Mewn rhai achosion bydd y Gofrestrfa Tir yn nodi opsiwn yn awtomatig heb gais ar wahân; mewn achosion eraill bydd angen cais ar ffurflen AN1 neu UN1. Ar gyfer prydlesi cymalau penodedig, gweler y modiwl sy'n trafod y maes hwnnw.