Treth Tir Toll Stamp (SDLT)

Os yw'r weithred amrywio yn ddyddiedig ar neu ar ôl 17 Mawrth 2004 mae angen tystiolaeth SDLT dim ond lle bo'r weithred yn:

• weithredol fel ildio ac ail-roi'r brydles sy'n bodoli (gweler y diffiniad isod); neu
• cynyddu'r rhent sy'n daladwy.

Os oes angen tystiolaeth SDLT, gall fod ar ffurf naill ai tystysgrif Dychweleb Trafodiad Tir neu hunan dystysgrif SDLT60 yn dibynnu ar delerau'r weithred

Ildio ac ail-roi

Cadarnhaodd y Llys Apêl yn Friends Provident Life Office v British Railways Board [1996] fod bwriad y partïon yn ffactor pwysig wrth benderfynu a oedd gweithred amrywio yn weithredol fel ildiad ac ail-roi trwy weithrediad y gyfraith, oni bai fod natur y newidiadau yn gorfodi'r llys i ddatgan bod y weithred yn weithredol fel prydles newydd.

Penderfynodd y llys os oedd y newidiadau yn effeithio ar yr ystad gyfreithiol a naill ai'n cynyddu stent yr eiddo a brydlesir neu dymor y brydles, yna byddai ildiad ac ail-roi yn digwydd.

Os mai bwriad syml y partïon yw cywiro camgymeriad yn y brydles wreiddiol, rhaid egluro hyn yn y weithred.

Mae'r dudalen nesaf yn trafod ceisiadau penodol i amrywio prydles.