Mae nifer o ffactorau i'w hystyried wrth benderfynu p'un ai i gofrestru prydlesi ai peidio:

• hyd y tymor
• dyddiad y grant - cyn neu ar ôl 13 Hydref 2003
• p'un ai a yw'r hawl i gymryd meddiant ar unwaith neu rywbryd yn y dyfodol (prydles rifersiynol)
• p'un ai a yw'r teitl yn gofrestredig neu ddigofrestredig ar adeg y grant
• p'un ai a oes gwarediad sy'n peri cofrestriad cyntaf ai peidio.

Mae'n bosibl na fydd cyfrifo hyd y tymor yn rhywdd bob amser.

• Gall y tymor fod yn amharhaol (ee am un wythnos bob blwyddyn).
• Wrth gyfrifo hyd y tymor mae'n rhaid anwybyddu unrhyw gyfnod cyn dyddiad y brydles (gweler Cadogan (Earl) v Guinness (1936), Ch.515).
• Os yw tenant yn dal prydles ddigofrestredig â meddiant ond rhoddir prydles o'r un tir iddo i ddod yn weithredol â meddiant ar ddiwedd y brydles gyntaf neu o fewn mis, gellir trin y ddau dymor fel un tymor parhaol (rheol 3(7) DCT 2002). Os yw'r tymor parhaol yn fwy na saith mlynedd, gellir cofrestru'r prydlesi dan gais gwirfoddol.

Ar ôl ystyried y ffactorau hyn, bydd y brydles yn dod o dan un o'r categoriau canlynol:

• prydlesi y mae'n rhaid eu cofrestru
• prydlesi y gellir eu cofrestru ar sail gwirfoddol
• prydlesi nad oes modd eu cofrestru.

Trafodir y tri chategori hyn yn fanwl ar y tudalennau nesaf.