Prydlesi lle mae'n rhaid cofrestru teitl y landlord hefyd

Os yw landlord sy'n gorfod ceisio am gofrestriad cyntaf ei ystad, yn rhoi prydles o'r ystad honno, ni all y tenant gofrestru'r brydles nes bod teitl y landlord wedi'i gofrestru.

Enghraifft fyddai os yw unigolyn yn prynu ystad rydd-ddaliol ddigofrestredig y mae'n rhaid ei chofrestru, ac ar unwaith mae'n rhoi prydles i denant cyn i'r rhydd-ddaliad gael ei gofrestru. Ni all y tenant gofrestru'r brydles nes bod teitl y landlord wedi cael ei gofrestru.

Rheswm

Ni all y tenant wneud cais i gofrestru'r brydles oherwydd nad yw'r brydles gyfreithiol wedi'i breinio yn y landlord nes bod ei deitl wedi'i gofrestru. O ganlyniad, ni ellir breinio unrhyw ystad yn y tenant. Ni all y tenant wneud cais i gofrestru teitl y landlord am nad yw'n olynydd mewn teitl i'r ystad rifersiynol.

Ateb

Yr ateb yw i'r tenant fynnu bod y landlord yn cofrestru ei deitl cyn i'r brydles cael ei chwblhau. Os nad yw'r landlord wedi cofrestru ei ystad o fewn dau fis o'i chaffael, gall y tenant wneud cais am rybuddiad yn erbyn cofrestriad cyntaf ar ffurflen CT1, neu gall gofrestru pridiant tir dosbarth C(iv). Mae gwybodaeth bellach i'w gweld yng Nghyfarwyddyd Ymarfer 1 y Gofrestrfa Tir - Cofrestriadau cyntaf.