Sylwch fod y bennod hon yn ymdrin â chwblhau'r cymalau pan fydd defnyddio'r cymalau yn orfodol. Os yw'r cymalau yn cael eu defnyddio'n wirfoddol mae'n bosib y bydd angen cyflwyno ceisiadau ar wahân hefyd ar ffurflen AP1, AN1 neu UN1 i nodi buddion sydd wedi'u cwmpasu gan gymalau LR9,10,11 a 12. Fe welwch fanylion am yr angen i gyflwyno ceisiadau ychwanegol yn y bennod 'Defnyddio'r cymalau'.
Cymal LR1 Defnyddir y dyddiad a nodir yn y cymal hwn at ddibenion cofrestru. Bydd unrhyw ddyddiad arall, megis ar y clawr, yn cael ei anwybyddu. Pan fyddwch yn cwblhau'r cymal hwn: - nodwch ddyddiad y brydles
- defnyddiwch y fformat dyddiad llawn
Er enghraifft: 19 Mehefin 2006; nid 19/06/2006 neu 19 Meh 06, neu Mehefin 19eg 2006.
Mae'r dudalen nesaf yn edrych ar gymal LR2. |
