Cwblhewch y cymal hwn gyda manylion cyfanswm y premiwm a dalwyd gan gynnwys TAW lle'n briodol. Peidiwch â chyfeirio at gymal yn y brydles. Os nad yw'r brydles yn cymryd unrhyw bremiwm, rhowch 'dim'.
Gallwch roi'r wybodaeth mewn un o ddwy ffordd; er enghraifft - £100,000 ynghyd â TAW o £17,500 neu
- £117,500 yn cynnwys TAW.
Peidiwch â chyfeirio at TAW yn gyffredinol: hy.£100,000 ynghyd â TAW.
Os nad oes unrhyw dystiolaeth yn y brydles neu'r papurau eraill a gyflwynwyd bod TAW yn daladwy, bydd y Gofrestrfa Tir yn cymryd yn ganiataol bod y gydnabyddiaeth neu'r premiwm a'r rhent a ddyfynnwyd mewn gweithred yn cynnwys unrhyw elfen TAW sy'n daladwy.
Mae'r dudalen nesaf yn edrych ar gymal LR8. |