Cymal LR9

LR9: Hawliau caffael ac ati

LR9.1 Hawliau cytundebol y tenant i adnewyddu'r brydles hon, caffael y rifersiwn neu brydles arall o'r Eiddo, neu gaffael budd mewn tir arall LR9.2 Cyfamodau'r tenant i (gynnig) ildio'r brydles hon LR9.3 Hawliau cytundebol y landlord i gaffael y brydles hon

Cofiwch bydd y Gofrestrfa Tir yn nodi baich y buddion hyn yn unig; ni ellir nodi'r budd. Cwblhewch y cymal hwn trwy roi'r darpariaethau perthnasol yn yr is-gymalau (LR9.1, 9.2 neu 9.3) neu cyfeiriwch at y cymal/atodlen/paragraff yng nghorff y brydles. Gwnewch yn siŵr eich bod yn ychwanegu at gymal LR2.2 rif(rhifau) teitl unrhyw deitlau yr effeithir arnynt (heblaw teitl y landlord sydd wedi'i nodi yng nghymal LR2.1).

Os yw unrhyw fuddion y cyfeirir atynt yn y cymal hwn yn ymwneud â rhan o deitl cofrestredig yn unig, mae'n bosib y bydd angen cynllun i ddangos yr union stent dan sylw. Gall hwn fod yn gynllun ar wahân neu'n gyfeiriad wedi'i ychwanegu at gynllun y brydles.

Sylwch os yw'r cymal hwn wedi'i adael yn wag, yn absenoldeb cais ar wahân nid oes rhaid i'r Gofrestrfa Tir wneud unrhyw gofnod yn y gofrestr teitl (rheol 72A(4) RhCT 2003).

Mae'r dudalen nesaf yn edrych ar gymal LR10.