Cofrestriadau cyntaf

Mae cais am gofrestriad cyntaf yn codi pan fydd prydles sy'n ddarostyngedig i gofrestriad gorfodol wedi cael ei rhoi o ystad ddigofrestredig. Nid yw defnyddio'r cymalau penodedig yn orfodol ar gyfer y math hwn o brydles. Sylwch nad yw prydles tir a roddwyd o ystad ddigofrestredig landlord sy'n ddarostyngedig i gofrestriad gorfodol ei hun yn gofrestriad cyntaf. Rhaid i deitl y landlord gael ei gofrestru yn gyntaf (rheol 38 RhCT 2003) a chofrestru'r brydles wedi hynny fel gwarediad cofrestradwy. Mae angen ffurflen AP1 yn lle ffurflen FR1.

Os yw'r cais yn gofrestriad cyntaf, bydd y cymalau yn cael eu defnyddio i ddangos cynnwys y brydles, a bydd unrhyw fudd sydd wedi'i gynnwys yn y brydles, megis opsiwn, yn cael ei nodi mewn teitl cofrestredig arall dim ond os yw cais ar wahân ar ffurflen AP1, AN1 neu UN1 (fel y bo'n briodol) yn cael ei gyflwyno. Manteision defnyddio'r cymalau Er bod defnyddio'r cymalau gyda chais am gofrestriad cyntaf yn hollol wirfoddol, mae nifer o fanteision i'w defnyddio. Bydd prydlesi mewn fformat cyson a modern. Bydd cwblhau'r cymalau yn fodd o'ch atgoffa i wneud cais i gofrestru neu nodi buddion sydd wedi'u cynnwys yn y brydles (ee. opsiynau). Gellir cyflwyno ceisiadau am gyfyngiadau safonol trwy ddefnyddio cymal LR13 heb fod angen cyflwyno ffurflen RX1. Cofiwch ddefnyddio ffurflenni FR1, DL a DI gyda chofrestriad cyntaf, ac nid ffurflen AP1. Dyma ddiwedd y bennod ar gofrestriadau cyntaf.