Prydlesi Cymalau Penodedig Cyfarwyddyd cyfeirio cyflym

Cyfarwyddyd cyfeirio cyflym

Mae'r dudalen hon yn cynnwys cyfarwyddyd cyfeirio cyflym i bob cymal penodedig. I wybod mwy am gwblhau pob cymal dewiswch y rhif cymal perthnasol yng ngholofn chwith y tabl isod.

Os ydych chi am wybod pryd mae'n rhaid defnyddio'r cymalau, ewch i'r bennod 'Defnyddio'r cymalau'

Cymal	Cynnwys	Disgrifiad byr o gynnwys y cymal
LR1	Dyddiad y brydles	Defnyddiwch y fformat dyddiad llawn: ee. 9 Ionawr 2005.
LR2	Rhif(au) teitl	Rhowch y rhif(au) teitl ar gyfer teitl(au) y landlord (os oes) yn LR2.1. Rhowch unrhyw deitlau eraill y mae'n ofynnol rhoi cofnodion cofrestr yn eu herbyn yng nghymal LR2.2. (Gweler cymalau LR9, 10, 11 a 13.)
LR3	Partïon i'r brydles	Nodwch enw a chyfeiriad llawn y landlord, tenant ac unrhyw barti arall i'r brydles, ee. cwmni rheoli. Dylech gynnwys rhif cofrestru'r cwmni pan fo'n briodol.
LR4	Eiddo	Rhowch ddisgrifiad o'r tir a brydlesir, neu cyfeiriwch at adran briodol y brydles sy'n cynnwys y manylion perthnasol. Gofalwch fod y disgrifiad yn cynnwys manylion unrhyw lefelau lloriau, cynlluniau yn y brydles neu eithriadau ffisegol, gan gynnwys mwyngloddiau a mwynau. Os ydych yn rhoi'r disgrifiad llawn yn y cymal hwn ac mae'r disgrifiad hwnnw yn groes i'r wybodaeth arall yng nghorff y brydles, bydd y Gofrestrfa Tir yn cwblhau cofrestru'r brydles yn seiliedig ar gynnwys y cymal hwn yn unig.
LR5	Datganiadau penodedig	Os oes angen cynnwys datganiad statudol yn y brydles (ee. gwarediad i elusen) dylech gynnwys y datganiad neu gyfeirio at y cymal perthnasol yng nghorff y brydles. Os yw'r brydles wedi'i gwneud dan ddarpariaethau un o'r Deddfau a grybwyllir, dewiswch y Ddeddf berthnasol.
LR6	Cyfnod y brydles	Cwblhewch un o'r tri opsiwn.
LR7	Premiwm	Rhowch fanylion swm llawn unrhyw bremiwm a dalwyd, gan gynnwys TAW, os yw'n berthnasol (ee. £117,500 gan gynnwys TAW).
LR8	Gwaharddiadau neu gyfyngiadau ar waredu'r brydles	Dewiswch un o'r ddau opsiwn sydd ar gael - hy. naill ai mae'r brydles yn cynnwys neu nid yw'r brydles yn cynnwys darpariaethau sy'n cyfyngu ar warediad. Os nad ydych yn cwblhau'r cymal hwn yn gywir, mae'n bosib na fydd y Gofrestrfa Tir yn rhoi unrhyw gofnod o'r gwaharddiad ar y gofrestr.
LR9	Hawliau caffael ac ati	Defnyddiwch y cymal hwn i nodi manylion unrhyw hawliau cytundebol i adnewyddu'r brydles, hawliau i gaffael rifersiwn yr eiddo, hawliau i gaffael budd mewn tir arall, cyfamod i ildio neu hawl i'r landlord gaffael y brydles. Ychwanegwch at gymal LR2.2 unrhyw rifau teitl yr effeithir arnynt heblaw teitl y landlord a nodwyd yng nghymal LR2.1.

LR10
Cyfamodau cyfyngu a roddir gan landlord mewn perthynas â thir heblaw'r eiddo
Naill ai nodwch y cyfamodau perthnasol neu cyfeiriwch at y cymal priodol yn y brydles. Gwnewch yn siŵr bod y rhif teitl yr effeithir arno yn cael ei ychwanegu at gymal LR2.2 oni bai ei fod yn deitl y landlord y cyfeirir ato yng nghymal LR2.1
LR11
Hawddfreintiau
Cyfeiriwch at y paragraff perthnasol yn y brydles sy'n cynnwys manylion yr hawddfreintiau. Gofalwch fod rhif teitl unrhyw dir yr effeithir arno yn cael ei ychwanegu at gymal LR2.2 os yw'n wahanol i'r hyn y cyfeirir ato yng nghymal LR2.1. Os ydych yn methu â rhoi manylion yr hawddfreintiau yn y cymal hwn mae'n bosib na fydd gofynion cofrestru adran 27 DCT 2002 yn cael eu bodloni.
LR12
Rhent-dâl ystad sy'n faich ar yr eiddo
Mae'r term 'Rhent-dâl ystad' yma yn golygu rhent-dâl fel y'i diffinnir yn adran 1(2)(b) Deddf Cyfraith Eiddo 1925. Nid yw'n golygu'r rhent blynyddol sy'n daladwy am brydlesu'r eiddo. Cyfeiriwch at y cymal priodol yn y brydles.
LR13
Cais am ffurf safonol ar gyfyngiad
Defnyddiwch y panel hwn i wneud cais am gyfyngiadau safonol yn lle defnyddio ffurflen RX1. Nodwch bob cyfyngiad yn llawn. Rhowch unrhyw rif(au) teitl yr effeithir arnynt yng nghymal LR2.2 (heblaw teitl(au) y landlord a nodwyd yng nghymal LR2.1). Rhaid defnyddio ffurflen RX1 o hyd ar gyfer cyfyngiadau ansafonol.
LR14
Datganiad ymddiried os yw'r tenant yn fwy nag un person
Dylech adael allan pa bynnag ddatganiad sy'n amherthnasol. Os oes un tenant yn unig, dylech adael allan neu ddileu pob un o'r datganiadau eraill.
Os oes angen i chi wneud cais am gyfyngiad sy'n diogelu ymddiried arall, hy. os yw unig berchennog yn ymddiriedolwr noeth, defnyddiwch gymal LR13.

Dyma ddiwedd y cyfarwyddyd cyfeirio cyflym