Mae Mynegai Prisiau Tai y Gofrestrfa Tir yn adlewyrchu newidiadau yng ngwerth eiddo preswyl. Mae'r Mynegai yn seiliedig ar ddata gwerthiannau sy'n cael ei gasglu ar gyfer yr holl drafodion eiddo preswyl, yng Nghymru a Lloegr ers Ionawr 1995, p’un ai am arian parod neu gyda morgais. Gallwch chwilio mynegeion ar lefel genedlaethol yn ogystal ag ar gyfer y gwahanol ranbarthau, siroedd a bwrdeistrefi Llundain.

Mae'n Mynegai yn defnyddio sampl o faint sy'n fwy na'r holl fesurau ystadegol eraill sydd ar gael. Set ddata'r Gofrestrfa Tir yw'r unig gofnod cyflawn o drafodion eiddo preswyl yng Nghymru a Lloegr.

Mae'r Mynegai yn cael ei gyfrifo gan ddefnyddio set ddata 'Pris a Dalwyd' y Gofrestrfa Tir. Cofnod yw hwn o'r holl drafodion eiddo preswyl a wnaethpwyd yng Nghymru a Lloegr ers Ionawr 1995. Ar hyn o bryd mae’n cynnwys manylion mwy na 15miliwn o werthiannau. O’r rhain mae tua pum miliwn yn barau cyfatebol y gellir eu hadnabod, sy’n darparu’r sail ar gyfer y dadansoddiad ailwerthiannau atchweliad a ddefnyddir i lunio’r mynegai. Mae’r dechneg addasu ansawdd hon yn sicrhau ein bod yn cymharu eiddo cyffelyb.