Talu ffïoedd trwy Ddebyd Uniongyrchol newidiol

Yn dilyn ymestyn y cynllun yn ddiweddar, mae'r Gofrestrfa Tir nawr yn gallu cynnig y cyfle i gwsmeriaid dalu ffioedd ar gyfer holl wasanaethau'r Gofrestrfa Tir trwy Ddebyd Uniongyrchol.  Gellir talu trwy Ddebyd Uniongyrchol ar gyfer unrhyw gais a gyflwynir trwy'r post, ffôn neu trwy'n e-wasanaethau.

Manteision defnyddio’r dull hwn o dalu yw:

• Asesu a chasglu ffioedd y Gofrestrfa Tir yn gywir
  Ni fydd yn rhaid ichi aros i dderbyn ad-daliad os talwyd gormod gennych ac ni fydd oedi wrth gwblhau ceisiadau oherwydd bod ffi i’w thalu.
• Rheoli’r dull talu
  Gallwch derfynu’r gorchymyn debyd uniongyrchol ar unrhyw bryd.
• Gwarantu ad-daliad os digwydd camgymeriad
  Cynllun yw Debyd Uniongyrchol sy’n diogelu buddion y Talwr â gwarant. Mae’r warant Debyd Uniongyrchol yn rhoi sicrwydd i’r Talwr y bydd unrhyw arian a ddebydwyd ar gamgymeriad yn cael ei ad-dalu ar unwaith gan fanc y Talwr.
• Cefnogi e-drawsgludo
  Trwy gynnig dull electronig o dalu mae'r cynllun debyd uniongyrchol yn cynrychioli cam pwysig tuag at e-gyflwyno a chofrestru uniongyrchol.

Mae manylion pellach ar gael trwy anfon e-bost at  e-receivables@landregistry.gsi.gov.uk (cofiwch gynnwys enw, sefydliad, manylion cyfeiriad, rhif ffôn a rhif cyfrif presennol (os yw'n briodol))