Mae cyfres o newidiadau i Reolau Cofrestru Tir 2003 wedi arwain at nifer o ddatblygiadau gan gynnwys ffurflenni cofrestru tir newydd, datganiadau o wirionedd a mwy o hyblygrwydd gyda chyfyngiadau safonol. Mae'r newidiadau'n deillio o adolygiad a gynhaliwyd gan y Gofrestrfa Tir ac ymgynghoriad â chwmseriaid rhwng Hydref 2007 a Ionawr 2008. Ein hamcan wrth gynnal yr adolygiad oedd lleihau'r baich gweinyddol ar gwsmeriaid, lleihau'r pergyl o dwyll, gwella effeithlonrwydd gweithredol ac eglurhau rheolau lle nad oedd eu bwriad gwreiddiol wedi cael ei gyflawni neu a oedd yn agored i'w dehongli. Credwn fod amcanion yr adolgyiad wedi'u cyflawni, diolch i raddau helaeth i ymateb ein cwsmeriaid a'n gwaith gyda phartneriaid fel Cymdeithas y Cyfreithwyr. O ganlyniad daeth y darpariaethau statudol canlynol i rym ar ddydd Llun 10 Tachwedd 2008 - Rheolau Cofrestru Tir (Newidiad) 2008
- Rheolau Cydradd-ddaliad (Cofrestru Tir) (Newidiad) 2008
- Gorchymyn Cofrestru Tir (Swyddfa Briodol) (Newidiad) 2008.
Ewch i'r dudalen hon i weld manylion y newidiadau sy'n deillio o'r darpariaethau hyn, ynghyd â gwybodaeth gefndirol ar yr adolygiad a'r ymgynghoriad, crynodeb o gwestiynau a ofynnir yn aml (mae fersiwn Cymraeg yn cael ei baratoi) a chopi o'r llyfryn gweithredu. Gallwch weld ein ffurflenni a'n cyfarwyddiadau ymarfer dywgiedig hefyd. |
