Mwy na thebyg, eich eiddo yw'r ased mwyaf gwerthfawr sydd gennych. Dyna pam mae'n bwysig i chi wneud popeth y gallwch i'w warchod rhag y risg o dwyll.

Mae twyllwyr yn aml yn targedu eiddo lle nad oes morgais neu lle bo'r perchennog yn byw yn rhywle arall. Gallent geisio cael gafael ar y teitl trwy ddefnyddio troslwyddiad ffug neu ddynwared y perchennog.

Un ffordd o helpu i'w hatal yw sicrhau bod y manylion cyswllt sydd gennym ar eich cyfer yn gyfredol.

Pan fyddwn yn derbyn cais mewn perthynas â'ch eiddo, efallai y byddwn yn ysgrifennu atoch. Os nad yw eich manylion cyswllt yn gywir, efallai na fyddwch yn cael y llythyr neu ebost.

Gallwch roi hyd at dri chyfeiriad gwahanol i ni, gan gynnwys cyfeiriad ebost a chyfeiriad tramor. Er mwyn ychwanegu cyfeiriad neu i ddiweddaru eich manylion cyswllt presennol, llenwch y ffurflen diweddaru cyfeiriad gohebu perchennog cofrestredig.

Os byddwch yn gwneud cais i newid eich manylion gohebu, byddwn yn anfon llythyr at eich hen gyfeiriad a'ch cyfeiriad newydd er mwyn gwirio bod y cais yn ddilys.