Rwyf wedi newid fy enw, beth sydd angen i mi ei wneud?

Rhaid i chi roi gwybod i ni os byddwch wedi newid eich enw. Gallwch wneud hyn trwy lenwi ffurflen AP1 a'i hanfon atom. Ym mhanel 4 o dan 'Ceisiadau yn nhrefn blaenoriaeth', ysgrifennwch 'Newid enw'.

Ni chodir tâl am y gwasanaeth hwn.

Yn ogystal, rhaid i chi anfon tystiolaeth o'r newid atom, megis:

copi gwreiddiol neu gopi swyddogol o dystysgrif priodas neu dystysgrif partneriaeth sifil, neu
gopi gwreiddiol neu gopi ardystiedig o weithred newid enw, neu
y datganiad statudol gwreiddiol, neu
y datganiad o wirionedd gwreiddiol.

Os ydych am i'r datganiad statudol neu'r datganiad o wirionedd gwreiddiol gael ei ddychwelyd, bydd angen i chi gyflwyno copi ardystiedig hefyd. Dim ond os byddwch yn anfon copi swyddogol atom y byddwn yn ei gadw.

Byddwn bob amser yn dychwelyd unrhyw gopi gwreiddiol o dystysgrifau priodas neu bartneriaeth sifil a gweithredoedd newid enw.

Rhaid i chi gyflwyno tystiolaeth o'ch hunaniaeth wrth newid eich enw trwy:

weithred newid enw, neu
ddatganiad o wirionedd, neu
ddatganiad statudol.

Ceir rhagor o gyngor am y dystiolaeth o hunaniaeth sydd angen i chi eu hanfon atom yng Nghyfarwyddyd Cyhoeddus 22 – Cadw eich enw yn y gofrestr yn gyfoes.

Os byddwch am ddweud wrthym am newidiadau eraill, er enghraifft, rydych wedi newid eich cyfeiriad hefyd, bydd angen i chi anfon unrhyw geisiadau at swyddfa'r Gofrestrfa Tir sy'n delio ag eiddo/tir yn eich ardal.

Canfod ble i anfon eich ceisiadau cofrestru.