Arbenigwyr y Gofrestrfa Tir yn nigwyddiadau gwledig ar draws Cymru a Lloegr

Fel rhan o'n hymgyrch gyfathrebu byddwn unwaith eto yn mynychu nifer o ddigwyddiadau allanol ar hyd a lled Cymru a Lloegr yn ystod 2008.  Bydd staff datblygu'r gofrestr ar gael trwy'r dydd ym mhob digwyddiad i drafod cofrestru gwirfoddol gyda chi ac i ateb unrhyw gwestiynau sydd gennych. Os hoffech wybod rhagor am ein presennoldeb yn y digwyddiadau hyn, cysylltwch â rheolwr y digwyddiad perthnasol.

Mae gostyngiad o 25 y cant ar gael i'r rheiny sy'n cofrestru eu tir yn wirfoddol am y tro cyntaf. I gael rhagor o wybodaeth am hyn a sut gall cofrestru tir fod o fudd i chi, galwch heibio stondin y Gofrestrfa Tir yn un o'r digwyddiadau canlynol.

Nodiadau

1. Os hoffech chi gael gwybodaeth am bresenoldeb y Gofrestrfa Tir yn y digwyddiadau hyn, cysylltwch â Heather Corbett ar 0115 906 5348 neu heather.corbett@landregistry.gsi.gov.uk
2. Mae cofrestru tir yn wirfoddol yn caniatáu i berchnogion tir reoli eu hasedion a'u gweinyddu'n fwy effeithiol nawr ac yn y tymor hir, i gydgrynhoi gwybodaeth gyfreithiol gymhleth neu ddata hanesyddol am eu tir ac i warchod eu tir yn well.
3. Mae tîm datblygu'r gofrestr cenedlaethol yn gweithio yn Nottingham. Mae gan bob un o'r 24 swyddfa leol reolwr datblygu'r gofrestr a thimoedd cefnogaeth sy'n darparu gwybodaeth ac arbenigrwydd i wneud y broses gofrestru tir mor ddidrafferth ag y bo modd.
4. Gyda’r gronfa ddata eiddo fwyaf yn y byd, o fwy nag 20 miliwn o deitlau, mae’r Gofrestrfa Tir yn cefnogi’r economi trwy warantu perchnogaeth eiddo sy’n werth biliynau o bunnoedd. Mae eiddo gwerth tua £1 miliwn yn cael ei brosesu bob munud yng Nghymru a Lloegr.
5. Fel adran o’r llywodraeth a sefydlwyd ym 1862, asiantaeth weithredol a chronfa fasnachu sy’n atebol i’r Ysgrifennydd Gwladol dros Gyfiawnder ac Arglwydd Ganghellor, mae’r Gofrestrfa Tir yn cadw ac yn cynnal y Gofrestr Tir ar gyfer Cymru a Lloegr. Mae’r Gofrestr Tir yn ddogfen agored ers 1990.